علنت وزارة الأمن الداخلي فـ أمريكا أنها قررات تحيّد الإجراء اللي كيجبر المسافرين على خلع الصباط أثناء التفتيش الأمني فالمطارات، فواحد الخطوة اللي كتهدف لتحسين تجربة السفر، بعدما بقات هاد السياسة مطبقة لأزيد من 20 عام.
الوزيرة كريستي نويم قالت فبيان رسمي أن هاد القرار جا ضمن جهود تطوير نظام الأمن وتعزيز الراحة للمسافرين، مؤكدة أن السلامة باقية هي الأولوية، ولكن بفضل التقدم التكنولوجي والطريقة الجديدة المعتمدة فالتفتيش، اللي كتعتمد على عدة طبقات حماية، ما بقاتش الضرورة لخلع الصباط.
سياسة خلع الصباط بدات فـ2002 بعدما حاول البريطاني ريتشارد ريد يفجر قنبلة كانت مخبية فحذاؤه فطائرة بين باريس وميامي، وفعّلتها إدارة أمن النقل بشكل دائم فـ2006 بناءً على تهديدات استخباراتية. واليوم، كتشكل عودة الثقة فالتكنولوجيا الأمنية الحديثة خطوة جديدة نحو سفر أكثر سلاسة وأمان.
11/07/2025
