في خروج مثير قال “صلاح الدين يتيم” نجل وزير التشغيل “محمد يتيم” أنه غير متفق مع الحكومة و والده في موضوع حملة المقاطعة و التصريح الذي صدر عنه مؤخراً و اعتبر فيه نفسه وزيراً و ليس “مواطن دايز فالزنقة”. و كتب “صلاح الدين يتيم” الذي خلق الجدل قبل سنوات إثر مشاركته في لعبة “البوكر” على صفحته الفايسبوكية يقول : ” الدراري الله يجازيكم بيخير… انا عارف أن الفضول صفة إنسانية ولكن احترموا شوية الخصوصية والاحساس ديال انسان… حط راسك في بلاصتي وشوف واش كل دقيقة يبقى يوصلك طاغ ولا مساج فيه عائلتك وطواسلك كايتسبوا بدون اي سبب واضح … من غير ربما أنك ولد فلان ولا ولد علان … توضيحا للأمور ومن بعد هذا اي واحد غادي يسألني في هذا الموضوع غادي نبلوكيه ويسمح ليا … انا بنادم ماشي ماكينة”. و أضاف : ” نعم، الفيديو اللي داير البوز في التواصل الاجتماعي ديال البوكر… هذاك السيد اللي كايبان فيه هو انا … باش اللي ضارو راسو يبرد 2. نعم، انا الوالد ديالي عينه الملك وزير في الحكومة الحالية… 3. حتى واحد ماخدا رايي في هذا التعيين … انا ماشي مسؤول عليه ولا اتحمل نتائجه 4. اي تصريح أدلى به الوالد يعنيه هو بالأساس وهو لا يأخذ رايي قبل أن يتكلم كما لا اخذ رايه قبل أن أتكلم.. كل واحد مسؤول عن تصريحاته… 5.” و استطرد بالقول : ” انا بصح مشيت ولعبت تورنوا ديال البوكر … وهادشي راه داز عليه أكثر من 4 سنين ولا 5 سنين … وهادشي ماخديتش فيه رأي الولد وبالتالي هو غير مسؤول عنه ولا يتحمل نتائجه 6. انا بنادم وماشي ملَك واذا درت كااااع شي حاجة حرام … الله يسمح ليا … 5. الهدرة الخاوية ديال كايقمر بفلوس باه ماتحتاجش الجواب… اللي كايعرفني هنا ولا في المجموعة ولا حتى في حياتي عارف إنني كانربح أكثر من ابي … وعارف المستوى الثقافي والفكري والعلمي ديالي … وربما عندو فكرة حتى على الخدمة ديالي وانني خدام بذراعي… 6.. انا مستعمل اسم مستعار لا في اليوتيوب ولا في الفيسبوك اصلا باش هادشي مانوقعش فيه … المهم دابا ها انتم عرفتو… 7. اللي بان ليه انه الفيديوهات والشروحات اللي كنقدم مفيدة وبغا يبقى متبعني مرحبا .. اللي بان ليه غير ذلك الله يعرضوا السلامة ” يضيف نجل الوزير “يتيم”. و خلص أخيراً إلى أنه ” وبالملموس انا مامتفقش مع الحكومة في تسييرها في موضوع المقاطعة … ومنها الوالد ديالي اللي كانقول ليه كوالد لك كل الاحترام والتقدير وادعو الله لك ان يرحمك كما ربيتني صغيرا ولكن كوزير بغيت نقول لك : انا غير مواطن دايز في الزنقة ومعني بالمقاطعة ومقاطع”.
21/05/2018![](https://kawalisserif.com/wp-content/uploads/2022/10/logo-1.png)
kawalisrif@hotmail.com
مقالات ذات الصلة
![](https://kawalisserif.com/wp-content/uploads/2024/09/Screenshot_20240907_230904_Google-300x189.webp)
7 سبتمبر 2024
بيان ناري من حزب الحركة الشعبية ينتقد بشدة محمد الفضيلي رئيس جماعة بنطيب المعزول ويتوعد باقي الأعضاء “الخونة”
![](https://kawalisserif.com/wp-content/uploads/2024/09/Screenshot_20240907_222734_Google-300x201.webp)
7 سبتمبر 2024
المجموع 12 ميدالية … أيمن الحداوي يهدي المغرب الميدالية الذهبية و أيوب السادني يحرز الفضية في الألعاب البارالمبية
![](https://kawalisserif.com/wp-content/uploads/2024/09/Screenshot_20240907_221415_Google-300x183.webp)
7 سبتمبر 2024